شەفەق نیوز/ پەیامنێر ئاژانس شەفەق نيوز رەسیە زانیاریەیلیگ ئاشکرای ناسنامەی ژنیگ کورد کەن ک وێنەگەی سەرقاڵ میدیایل پەیوەندییە کۆمەڵایەتییەکان کرد، دۊیای ئەوە ک لە رەوشەیل سەختیگ نشان دریا، لەو مەوقە ئ وەرەو ئەوروپا بان گرتە وەر.
وەگورەی ئەو زانیارەیلەگ پەیامنێرمان رەسیە بندروسیان، وێنەگە ئەرا لەبان سنوور بیلارووسیا ئەرا ئەو ژنە گیریان هەنای تەقەلای رەسینی وەرەو ئەو دەوڵەت ئەوروپایی دیار.
ژنەگە ناوی بەیانە لە خەڵک قەزای عەقرە لە پارێزگای دهۆک لە هەرێم کوردستان، ٢ هالە تەمەن ٧٠ ساڵان، و بڕیار دا ماڵەگەی وەجی بیلێد، و لەوەر نەداری کووچ بکەێد.
لە دۊیەکە دووشەممەو ئەو ژنە سەرقاڵ میدیایل پەیوەندییە کۆمەڵایەتییەکان کردگە، دۊیای دەرکەفتنی وە دڵنگ کوردی وەگەرد بڕێ لە کووچبەرەیل.
فرە لە نۊسەرەیل بان میدیایل پەیوەندییە کۆمەڵایەتییەکان وەرپرسیارەتی خستنە گەردن حکومەت هەرێم کوردستان وەرانوەر دەوڵەتەیل ئەوروپا، ک وەی تەمەنە لە هەرێم کوردستان وەرەو ئەولا چن.
رێبوار بابیکی وەرپرس دەسەی پەیوەندی دەیشتەکی لە پەرلەمان هەرێم کوردستان ئەرا ئاژانس شەفەق نیوز وت: پەرلەمان کوردستان بڕیار دا شاندیگ ئەرا پۆلەندا کل بکەێد تا بنووڕێدە رەوش کووچبەرەیل کورد لەولا.
وتیش؛ کلکردن شاندەگە وە داوای دەسەگەمان هات، و سوو کۆبوونەوەی دەسەگە کریەێد، و وەی نزیکە شاندەگە رۊی وەرەو ئەولا کەێد.