شەفەق نیوز/ پۆڵە رۆمانیەگە (برا بافت) یەکیگە لە گرنگترین سیما ئاسەواریەکان لە باکوور و خوەرهەڵات سوریا، لەبان سنوور تورکیا.

پوڵەگە کەفێدە بان چەم دیجلە لە ئاوای عێن دیوار لە شار دێریک، و وە سەنگەیڵ بازلتی سیایلیگ وە ئەندازیاری جیوازیگ بینا کریاگە، جەماڵەدین شازادەی دوورگەی بوتان لە دویادیای سەردەم عەباسیەکان بینای کردگە، ک خوەی تەنیا رییگ ئەرا کاروانە بازرگانیەکان بوی لەوەر فراوانی چەم دیجلە.

پوڵە رۆمانیەگە لە سێ کەوان دروس کریاێود، و ئیسە تەنیا یەک کەوانی مەنیەسەو وە بەرزی ١٦ مەتر وە پانی ١١ مەتر، و لە هەردووگ لاگانی نەقشەی ١٢ تاوەر هەس نشان مانگەیل ساڵەگە دەن، و تا ئی رووژمانە نووڕستن رەنگینیگ دیرێد.

دەوڵەت تورکیا لە ساڵ ٢٠١٧ دووارە ئاو دیجلە وەرەو پوڵەگە بردەو وە ئامانج سوودگردن لەی ئاسەواری کۆنە، و دەسناین لەبان زەیوەیل خەڵک ئاوای عێن دیوار، و کردەی ناوچەیگ سەربازی، و قەیەغەی نزیکەوبوین لەلی و لەو زەویەیل کشتوکاڵیە چەسپان.

دویای رووداوە دویایینەگان ک ناوچەگە وەخوەی دی، و دویای دەسوەردان رووسی و ئەمریکی دڵنیایی ئەرا خەڵکەگە هاتەو و دەسکردنە دەرچگن، ولە رووژەیل پشۆەکان وەگەرد سەرتای وەهار پەنا وە سرووشتەگە و پوڵە رۆمانیەگە بەن ئەرا ئارامی دەروینی ودڵخوەشی و وێنەگردن ئەرا یادگاری وەگەرد ئی مرواری سیا.