شەفەق نیوز/ فەرمانگەی وەرگری شارستانی لە هەولێر، ئمڕوو دووشەممە، هویردەکاریەیل نوویگ لە ئاگر پاڵاو شەبیب نەفتی ئاشکرا کرد ک وەی شەوەکەیە هیز گرد.
سەرکەوت کارش وەڕیەوبەر فەرمانگەگە ئەرا ئاژانس شەفەق نیوز وت: ئاگرەگە لە ساعەت ٨:٠٠ شەوەکی لە پاڵاوگەی شەبیب لەناوچەی دەوڵەتبەکرە لە هەولێر هیز گرد، و دیاری کرد ک ١١ تیم لە وەرگری شارستانی روی وەرەو شوین کردن، و خوەشبەختانە توەنستیمن ئەو ئاگرە کپەو بکەیمن.
کارش وتیش: زەرەدەیل تەنیا رەسینە لایەن دارایی، بیجگە تاسیان یەکیگ لە ئەندامەیل وەرگری شارستانی مەوقەی کپەوکردن ئاگرەگە.
لە هوکارەیل بڵویزەکردن ئاگرەگە، کارش وت" تا ئیسە هوکارەیلی دیار نییە، باوجی هاتێ لەەەر شۆرتیگ کارەبایی بویە، و دووپات کرد ک لێکۆڵینەوە ئەرا رەسین وە بندروس ئاگرەگە وەردەوامە.