شەفەق نیوز/ شایەت کەسەیلیگ فیلمە کارتۆنیەگەی «فرۆزن» دییە، ک گشت چشتیگ بوودە یەخ، تەنانەت قەڵای ئیلسا.. شایەت ئی فیلم کارتۆنیە لە کەندا بویە راسی.

لەو دەوڵەتە ک لە جەمسەری باکووری و زەریای سڕەوبوین باکووری نزیکە،  هۆتێلیگ وەگشتی یەخین واز کریا، و نزیکەی ٤٠ هەزار تەن لە یەخ لە بیناکردنی وەکار هاوریا.

هوتێلە یەخینەگە ژوورەیلیگ هاناوی و باریگ، و تەنانەت کلیسەیگ ئەرا ئەوانەگ خوازن هاوسەرگیری بکەن، و پشۆیک سەرد لە ژینگەیگ یەخین گوزران بکەن، لە پلەیلیگ گەرمی رەسێدە ٥ پلە خوار سفر.

٢١ ژوور و سویت هاناو هوتێلەگە، کارەیلیگ هونەری لەناویان دروس کریاگە، وهەمیش گوڵەمەیل سناو و ساونا لە ژیر ئەسارەگان لەناوی هەس.

ئی هوتێل یەخینە وەناو «ئوتێیل دو گڵاس» یا «هوتێل یەخین» هالە سەیرانگەی فالکارتێه، لە ناوچەی کیبیک لە کەنەدا.