شەفەق نیوز/ سەدان لە خەڵک هەڵەبجە و ناوچەیل دەوگردی لە هەرێم کوردستان، ئمڕوو چوارشەممە، ٣٣مین ساڵیاد پەلامار کیمیایی لەبان شارەگە یاد کردن، ک هەزاران قوربانی لەلی بۊیەو، فرەیان لە ژن و مناڵ بۊن.
لەی ساڵیادە، مەسعود بارزانی سەرۆک پارتی دیموکراتی کوردستان وت: ئەوەگ لەبان ژیان مەنیە، دۊای کیمیاواران هەڵەبجە، وە خوازین کورد ئەرا ئازادی بۊ، خوازین گەلمان فرە لە چەک کیمیایی و فڕۆکەی جەنگی و مووشەک وەهیزترە.
وەگەرد ئەوەیش، وەشیوەیگ چەواشەی پیشەی جارانی، بڕ گەورەیگ لە خەڵک پارێزگای هەڵبجە ناڕەزایی لەبان پشتگوشخستنیان کردن.
پەیامنێر ئاژانس شەفەق نيوز وت: شمارەی گەورەیگ لە خەڵک هەڵەبجە دەرچگنە خوەینشاندان لەناوڕاس شار کۆنە، ئەرا شەرمەزارکردن ئەوەگ وەپی وتن پشتگوشخستن وەزانابۊن ئەرایان لەلایەن دەسەڵاتەیل پەیوەندیدار.
و دووپات لە پشتگوشخستنیان وەبەڵگەی ئەوە کردن ک قەرەبوو قوربانیەیل کیماواران نەکریاگە. لەلاییگ تر، ناڕەزایلە داوای سزادان گشت کۆمپانیایل جەهانی کردن ک دەسمیەتی رژیم لەناوبریاگ وە جیوەجیکردن کیمیاواران دانە.