شەفەق نیوز/ گەشتە ئاسمانیە ناوخۆ و ناودەوڵەتیەگان، ئمڕوو شەممە، هاتنەو ئەرا فڕۆکەخانەی سلێمانی لە هەرێم کوردستان، لەناو ریکارەیلیگ مقیەتی.

فڕۆکەخانەگە ئمڕوو شەممە ١ئاب ٢٠٢٠ دووارە گەشتەگانی هاوردەو، وگورەی بریار دەسەڵات فڕۆکەوانی مەدەنی لە عراق، و دەسەی باڵا ئەرا نواگردن ڤایڕۆس کۆرۆنا لە حکومەت هەرێم کوردستان.

وەڕێوبەرایەتی فڕۆکەخانەگە بڕیگ مەرج نا وەر گەشتیارەیل، چ لە ناوخۆ یا ناودەوڵەتی، لەلیان تاقیکردنەوە لە ڤایڕۆس کۆرۆنا تا بتوێنن بچنە ناو فڕۆکەخانەگە و گەشت بکەن ئەرا هەرکو خوازن.

تاهر عەبولڵا وەڕێوبەر فڕۆکەخانەگە لە کۆنگرەیگ رۆژنامەوانی ئاژانس شەفەق نیوز ئامادەی بوی، وت: لەوەر ڤایڕۆس کۆرۆنا فڕۆکەخانەیل جهان بەسیان، و فڕۆکەخانەیل عراق و هەرێم کوردستان هەمیش لەو فڕۆکەخانەیلە بوین ک گشت گەشتەگانیان وسیا.

ودیاری کرد؛ لە ماوەی گوزەیشتە تەنیا ئەو گەشتەیلە کریا ک مووڵەت فڕۆکەوانی مەدەنی وەرگردن وەهەماهەنگی وەل چەن کۆمپانیایگ، بەڵکم دویای بڕیارەگە ٢٣ی مانگ گوزەیشتە، بڕیار کردنەوەی فڕۆکەخانەگان عراق دریا، و دویای ٥ رووژ فڕۆکەخانەیل هەریم كریانه‌و.

وئاماژەدا: لە ٢٨ مانگ گوزەیشتە، بڕیاردریا وە هاوردنەوەی گەشتەگان، و بایەسە گشت کۆمپانیا فڕۆکەوانیەگان مووڵەت لە فڕۆکەخانەگە وەربگرن ئەرا دووارەکردن گەشتەیلیان.

ودیاری کرد؛ ئمڕوو شەممە، یەکەم رووژە و خەوەردار گشت کۆمپانیا فڕۆکەوانیەگان کردیمن، و بایەسە جیوەجی گشت  ریکارە مقەیەتیەگان و رینماگان بکەن ک لەلایەن دەسە پەیوەندیدارەگان ودەسەڵات فڕۆکەوانی ده‌رجگە.

و دووپاتکرد؛ بایەسە گەشتیارەگان وەرجە چوار ساعەت لە گەشتەگەیان ئامادەبوون، چوونکە ریکارەگان خەسەو کریانە و بایەسە گەشتیارەگان دەمامەک وەکاربارن ئەگەر وەیاوەری گەشتیارەگە بویە یا خوازێد پێشوازی بکەێد لە ئەوانیگ لە دەیشت عراق هاتنە.

وجەختکرد ک بایەسە گەشتیارەگە ریکارە مقەیەتیەگان وەجیبارێد، و ئامێر تایبەت هەس ئەرا تاقیکردنەوەگان.