شەفەق نيوز/ کادرەیل هونەری لە شارەوانی سلێمانی، ئمڕوو چوارشەممە،  دەسکردنە هەڵمەتیگ ئەرا وازکردن جادە سەرەکیەیلە و لاییەیلە ک لەناو شارەگە لەوەر وەفروارین بەسیانە.    

سەرۆکایەتی شارەوانی سلێمانی لە بەیاننامەیگ رەسیە ئاژانس شەفەق نیوز وت: کادرەیل هونەری ووەڕێەوبەرایەتی ئامێرەیل یە سێ رووژە دەسکردنەسە وازکردن ریوبانەیل و پاکەوکردن جادەیل سەرەکی ولایی لەگشت پارێزگاگە، دۊیای ئەوە ک شەپۆلیگ لە وەفر سلێمانی گردە وەر.  

ودیاری کرد ک هەڵمەتەگە تا ئیسە وەردەوامە،.و تیمەیلیگ تایبەت هەس ئەرا لاوردن یەخ لە ناوچە کۊیەیلە،  و ئیسە هانە ئامادەباشی ئەرا هەر فریاکەفتنیگ دۊیای ئەو شەپۆل نووە ک مەزەنە کریەێد دۊیای نیمەڕو ئمڕوو بڕەسێد.  

کامیرای ئاژانس شەفەق نیوز وەگەرد ئەو ئامێر و تیمەیل شارەوانیە بۊی، هەنای کار لە وازکردن جادە گشتیەیلە و لە گەڕەک و کۊچەیلە کردن.