شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە،  کۆبوونەوەی تایبەتیگ وەگەرد سەرکردەیل هێزەیل پێشمەرگە ئەنجام دا.       

سەرچەوەیگ لە سەرۆکایەتی ئەرا ئاژانس شەفەق نیوز وت: سەرۆک هەرێم وەگەرد سەرکردەیل پێشمەرگە باس هەڕەشەیل داعش، و ئەو گامەیلە کرد ک بایەتە دۊیای پەلامارەیل دۊیاین بنریەن.  

وتیش: کۆبونەوەگە وە ئامادەبۊن وەزیرەیل پێشمەرگە و ناوخۆ و سەرکردەیل سەربازی بۊی.  

دۊیەکە یەکشەممە،  نێچیروان بارزانی سەرۆک هەرێم کوردستان هووشداری کرد ک پەلامارەیل دۊیایین داعش مەترسیەیل راسیین لەبان ئاسایش و ئارامی عراق و ناوچەگە و لەبان ئاسایش جەهانیش،  و باس گرنگی قایمکردن پاڵپشتیکردن کۆمەڵگای ناودەوڵەتی و هاوپەیمان ناودەڵەتی ئەرا عراق و هەرێم کوردستان،  و عراق و هاوبەشەیلی وەشیوەیگ گەورەتر ئەرا نواگردن تیرۆر و لەناوبردنی کار بکەن.