شەفەق نیوز/ وەڕێۆبەرایەتی خەسەخانەی رزگار حکومەتی لە شار هەولێر پایتەخت هەرێم کوردستان، ئمڕوو چوارشەممە، راگەیان زەخمداربوین دوو فەرمانبەر تەندروسی ک کەفتنە وەر پەلاماریگ لەلایەن کەسوکارەیل پیاو پیریگ لەوەر ڤایرۆس کۆڕۆنا مردگە.

وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت: پیاویگ لە تەمەن ٨١ ساڵان تا ماوەی ١٢ رووژ لە خەسەخانەگە خەفت، لەوەر نائارامی تەندروسیی ک تووش پەتاگە هاتوێد، و لە ساعەت ٣:٠٠ لە شەفەق ئمڕوو گیانی لەدەسدا.

ودیاریکرد ک کەسوکارەیل مردگەگە پەلامار پزشکەگان دان و زەرەدەیلیگ رەساننە چشت و پێداویستیەگان، ودوو فەرمانبەر تەندروسی زەخمدار کردن.