شەفەق نیوز/ پارێزگای سلێمانی، بەرزەوبوین وەرچەویگ لە شمارەی گەشتیارەیل لە پارێزگایل ناوڕاس و باشوور وەخوەی دوینێد، لەسای بەرزەوبوین پلەی گەرمی لەو ناوچەیلە، و هوونکی وسرووشت لە شارەیل هەرێم کوردستان، لەوەختیگ گەشتیارەیل دڵخودشییان لە رەفتارکردن و دیمەن سرووشتی لە سلێمانی نشان دەن، بەشیگیانیش داد لە گرانی کردن. 

ئەحمەد عەلی، گەشتیارە لە بەغدادەو هاتیە، ئەرا ئاژانس شەفەق نیوز ئویشێد: وەگەرد هاتن جەژن قوربان، گەشتیارەیل عراق روی وەرەو سەیرانگایل سلێمانی کردن، ئەوەیش لە پلەی گەرمی بەرز لە ناوچەیل عراق و نەوین شوینەیل گەشتوگوزاری واینە، وتا وەخت خوەشیگ وە سرووشت رەنگین وگەشوهەوای هوونک بوەنە سەر.      

محمد،  گەشتیارە لە پارێزگای بابل هاتیە، ئەرا ئاژانس شەفەق نیوز ئویشێد: هەسی خزمەتەیل گەشتوگوزاری هیشتەمان بایمنە سلێمانی،  بیجگە رەنگیژی سرووشتی، وشوینە خوەشەیل. 

گەشتیارەگە لە بابل هەمیش ئویشێد: پەنیگ جەماوەری لەلای ئیمە ئویشێد (رەنگینیگ بی لەکە نییە)، گشت چشتیگ لەیرا رەنگینە، باوجی وەداخەو ک نرخەیل وەچەو پارەکە فرە بەرزە.  

بازاڕە کۆنەیل، وبازاڕەیل شیرینییش پڕ لەو گەشتیارەیلە بوین، ک لەماوەی جەژن قوربان روی وەرەو سلێمانی کردن.  

ئارام، خاوەن دوکان شیرینی وکەرەزاتە لە جادەی سالم، ئەرا ئاژانس شەفەق نیوز ئویشێد: گەشتیارەیل روی وە جادەی سالم کەن، چوینکە یەکیگە لە جادە گرنگەیل، وەگەرد هەسی گشت چشتیگ لەناوی. 

ئارام هەمیش ئویشێد: شیرینی وکەرەزات لە چشتە سەرکیەیلە ک گەشتیارەیل جویر سەوقاتی سیننەی، لەوەر ئەو تام خوەشیە، چوینکە لە بەرهەم سرووشتە.   

ئمساڵ پارێزگایل هەرێم کوردستان، ئەوزەڵبوین وەرچەویگ لە کەرت گەشتوگوزاری توومار کرد، ک سەدان هەزار لە گەشتیارەیل لەناو دەیشت وڵاتەگە وەخوەی کیشا.