شەفەق نیوز/ پیرەیلیگ لە کاڵ چەودیریکردن پیرەیل لە پارێزگای دهۆک، ئمڕوو چوارشەممە، یەکەم تاقەبەش لە واکسین ئەستڕازینیکای دژوە ڤایڕۆس کۆڕۆنا وەرگردن، دویای ئەوە ک تەندروسی پارێزگاگە لە ماوەیلیگ گوزەیشتە پەنج تووشهاتن وە ڤایڕۆس کۆڕۆنا لەناو ماڵەگە تۆمار کرد.
خانمە دکتۆر لوما حازم وەرپرس بەش مقەیەتی تەندروسی دهۆک ئەرا ئاژانس شەفەق نیوز وت: ئمڕوو تیمە تەندروسیەکان روی وەرەو ماڵ چەودیریکردن پیرەیل کردن تا واکسین ئەستڕازینیکا بیەنە پیرەیل لە ماڵەگە لەوەانەگ واکسینەگە خوازن، چوونکە پیرەیل توانای چگن وەرەو ناوەندە تەندروسیەکان نەیرن.
دکتۆر لوما خان وتیش: ٢٢ پیر لە ژن و پیاو رازی بوین واکسینەگە وەربگرن و هانە رەوش تەندروسی خاسیگ لەدویای وەرگردن یەکەم تاقەبەش واکسینەگە.
خانمە وەرپرس مقەیەتیکردن تەندروسی لە دهۆک وتیش؛ بەش پارێزگای دهۆک لە بیس هەزار لە واکسینە چینیەگە و بەریتانیەگە زیاتر بوی، و هیچ کاریگەریەیل گەورایگ لە ئەنجام وەرگردن دوو واکسینەگە لە پارێزگاکە نەویە.