شەفەق نیوز/ دیارە ک باراسیاو زەرگەتە، لە شار سلێمانی، ک (کاک محمد عەبدولڵا ) خاوەنیە، هیمان دەسڕەگەی گڕ خوەێد و لە کار نەکفتگە، هەرچەن یە ٥٠ ساڵە لەبان دامەزراننی رەد بویە.

کاک محمد لە قسەگانی ئەرا ئاژانس شەفەق نیوز ئووشێد: لەسەردەم شەسەگان لە سەدەی گوزەیشتە، باوگم خاوەن ئی باراسیاوە بوی، و ئەو مەوقە لەناو یەکیگ لەئاوایەگان کار کردیاد، ئیجا هاوردەی ناو شارەگە.

وهەمیش ئووشێد: هووکارەی ئی پیشە بویمن، و هیمان باراسیاوەگەمان وەبی شەکەتی وبیزاری لە ٥٠ ساڵەو تا ئیسە وەگەردمان کار کەێد، و ئاماژە کرد ک خوەی لە دروسکردن وڵات چینە، و جوور یەکیگ لە تاکەیل خیزانەگەمان خوەشمان لەلی تیەێد، هەرچەن تەکنەلۆژیا پێش کەفتگە، وەلی ئیمە واز لەلی ناوردیمن.

عەبدولڵا دووپات کەێد ک گشت چینەیل برنج و ساوەر و گەنم وجوێە وەپی هەڕیمن، و ئەوسا رووژانە ١٠ تا ٢٠ تەن کار کردیایمن، وەلی ئیسە لەوەر قەیرانە داراییەگە ک داگە هەرێم، و کەم جوولەی بازرگانی کەمەو بوی.