شەفەق نیوز/ جاریگتر رزگردن خانەنشینەیل لە دەرە بانکەیل سلێمانی ئەرا گردن مووچەیلیان گلەو خوارد.
پەیامنێر ئاژانس شەفەق نیوز وت: ئەو داوا و لاڵگیانە وەلایەن خانەنشینەیل تا مووچەیلیان وە ئەلیکترۆنی بەشەو بکریەێد دویای مردن و زیانیان، کووشگریگ پەیا نەکرد.
پەیامنێر ئاژانسمان لە زوان مام کەریم خانەنشین هەفتا ساڵە وت: وەرجە سێ ساعەت هاتگە تا مووچە بگرێد، وەلێ تا ئیسە وەدەسی نەکفتیە، لەوەر ئەو میکانزمە ک دانریاگە، و وەگەرد پیریگ جویر ئەو نەگونجیاگە، ک وسیانمان تا ساعەتەیل درویژیگ ستەمە لەبان ئیمەی خانەنشین پیر.
ئویشیدێش: پەیمان وەپیمان دریاگە ک مووچە و کارت زیرەک ئەلیکترۆنی بگریمن، وەلێ تا ئیسە ئی کارە جیوەجی نەکریا.