شەفەق نیوز/ پارێزگار دهۆک عەلی تەتەر، ئمڕوو سێشەممە، توومەتبار بەشیگ لە بازرگان و لایەنەیل سیاسی کرد ک هانە پشت گرانکردن نرخ خوەراک کرد، و داوا لە هاووڵاتییەیل کرد دڵنیا بوون و رخیان نەچووە.      

تەتەر لە کۆنگریگ رووژنامەوانی ئاژانس شەفەق نیوز ئامادەی بۊ وت: گردەوبۊنیگ وەگەرد بڕیگ لە بازرگانەیل شار زاخۆ لەباوەت ئەو قەیرانە کریا ک بەشیگ لە بازرگان و لایەنەیلیگ سیاسی لە هەرێم کوردستان دروسی کردن تا کاریگەری لەبان رای گشتی بکەن.  

و دووپات کرد ک ئەمارەیل خوەراک لە پارێزگاگە پڕە لە چشت، و داوا لە هاووڵاتیەیل کرد رخیان لە بەرزەوبۊن گەورەیگ لە نرخەیلە نەچوود.  پارێزگار دهۆک دیاری کرد ک ئەو گرانیە  لە شمارەیگ خواردەمەنی لەوەر قەیران جەهانی بۊە. 

جی باسە ک دهۆک دەسەیگ تایبەت ئەرا چەودێریکردن نرخەیل لە بازاڕەیل دروس کرد، و چەن دوکانێگ بازرگانی لە پارێزگاگە بەسا، لەوەر پێشێلکردن رینمایل تایبەت وە گیرنەهاوردن ک هیلێد نرخەگە بەرزەو بوود.