شەفەق نیوز/ لویلەی ئاو پڕۆژەی جیاکردنەوەی سێیەم لە شار هەولێر پایتەخت هەرێم کوردستان، ئمڕوو چوارشەممە، وەدەس کارمەنەیل لە ری ستڕاتیژی ١٥٠ مەتری شکیا. 

پەیامنێر ئاژانس شەفەق نيوز وت: تیمەیل خاسەوکردن لە وەڕێوەبەرایەتی ئاو هەولێر، دیرن ئەو شکیانە خاسەو کەن، تا ئاو نووشین دووارە بڕەسێدە ئەو ناوچە وگەڕەکەیلە ک لە پڕۆژەگە ئەرایان چوود. 

وتیش: خاسەوکردن شکیایەگە ٤٨ ساعەت کیشێد، و ئەو شکیانە دووارە بوود چوینئە لویلەگە داڕزیایە و کەفتیەسە بان کڕ پڕۆژەیل ریوبان.  

پەیامنێر ئاژانسمان وتیش: یە ٢٠ گلەس وەماوەی شەش مانگ ئی لویلە شکیەێد.      

لەلای خوەییش، نەبەز عەبدولمەجید قایمقام هەولێر ئەرا ئاژانس شەفەق نیوز وت: یە سێیەم جارە ئی لویلە بشکیەێد، ئەوەیش دویای وازکردن ئاوەگە لە بەشەیلیگ لەلی، و لەوەر زووریگ کەفتە بانی، جاریگتر شکیا.  

وتیش: پارێزگاگە پڕۆژەیگ ئەرا ئاڵشتکردن بەشیگ لە لویلەیل راگەیان، باوجی گرفتەیل دارایی لەلای حکومەت هەرێم لەی وەختە، ئەوەسا جیوەجیکردن ئی پڕۆژە خەێدە دیر، ئەراوە کارەگە کردیمنە چەن گامیگ.  

قایمقام دووپات کرد ک تیمەیل لە کرا خاسەوکردن گیچەڵەگە وەکارخستن لویلەگە وەردەوامن.