شەفەق نیوز/ دیندار زێباری هەماهەنکار تەمەیل ناودەوڵەتی لە حکومەت هەرێم کوردستان، ئمڕوو سێشەممە، وت: زیاتر لە ١٠٠ لە بازرگانەیل و وەکارهاورەیل هوشبەری وەماوەی یەکەمین هەفت مانگ لە ساڵ ٢٠٢٢ تاوانبار کریا، و دووپات کرد ک ئە تاوانبارەیلە ئێشە هانە ناو زینداەیل هەرێم کوردستان.
ئەوەیش لە کۆنگرەیگ رووژنامەوانی لەلایەن زێباری وەگەرد وەڕیەوبەر گشتی زینداەیل چاکسازی سەروە وەزارەت کار و کاروبار کۆمەڵایەتی لە شار هەولێر هات.
زێباری لەناو کۆنگرەگە وت: مەترسیەیل هوشبەری هەڕەشەی هەرێم کوردستان دەن، و سروشتیە ک لە ئاست ئەو ناوچەیل عراق و دەوڵەتەیل هاوسا فرە گەورەترە، و دووپات کرد ک بایەتە وەشیوەیگ زویتر وەرەو جیوەجیکردن پلان نواگردن ئی ئافەی رخبەرە بچیمن.
وتیش: پەیوەندی لە ئاست وەزارەت و دامودەزگایل پەیوەندیدار لە هەرێم کوردستان هەس لە دەسکردن وە ئۆپراسیۆنیگ دژوە هوشبەری.
هەمیش وت " ئامارەیل وەگورەی هەرێم کوردستان رخبەرە، ک لە ساڵ ٢٠١٩ و ٢٠٢٠ نزیکەی ٣٠٠٠ دەسگیرکریاگ دیریمن، و وەماوەی یەکەمین هەفت مانگ لە ساڵ ٢٠٢٢ ١١٠٠ وەکارهاور و بازرگانی هوشبەری تاوانبار کریا، و ئیسە هانە ناو زینداەیل هەرێم کوردستان.