شەفەق نیوز/ دەزگای ئاسایش هەرێم کوردستان، ئمڕوو جمعە، خەوەردا لە دەسگیرکردن توومەتباریگ وە رویداویگ، دویەشەو، لە خانەی مەلیک مەحموود ناوڕاس سلێمانی.

دەزگاگە لە بەیاننامەیگ وت: دویای دەمەقاڵیگ ناوەین کەسەیلیگ لەناو دوو ماشین لە جادەی مەلیک مەحموود لە سلێمانی دویەشەو، یەکیگ لە رانندەیل دوو ماشینەگە وە دەوانچە زەخمدار کرد، و لەو شوینە وایە.

وەگورەی بەیاننامەگە، وەڕیەوبەرایەتی ئاسایش رەسینە شوین رویداوەگە، و وەبڕیار دادوەر لێکۆڵینەوە، و دەسمیەتی هیزەیل ئاسایش سلێمانی، تەقەکەرەگە وەماوەی کەمتر لە پەنج ساعەت دەسگیر کریا.

وەگورەی زانیارییەیل، یەکیگ لە زەخمدارەیل لەناو خەسەخانەیگ لە سلێمانی گیانی لەدەسدا.

دویەشەو پەنجشەممە، خەوەردا لە زەخمداری دوو کەس وە رویداویگ تەقەکردن لە سلێمانی.

سەرچەوەگە ئەرا ئاژانس شەفەق نیوز وت: رویداوەگە لە گەڕەک چوار چرا لە سلێمانی، کە بویە هوکار زەخمداری دوو کەس.

وتیش: یەکیگ لە زەخمدارەیل سەری زەخمدار بوی، وتیش؛ هەردوگیان ئەرا خەسەخانە بریان، و یەکیگییان زەخمەیلی سەختە.