شەفەق نیوز/ ریخریاگ "هـەنگاو" ئەرا ماف مرۆڤ لە کوردستان ئیران، ئمڕوو سێشەممە، باس کرد ک هێزە ئیرانیەیلە ١٨ کووڵبەر وەماوەی مانگ کانوون دۊیەم گوزەشتە کوشتیە و زەخمدار کردگە.
ریخریایەگە لە راپۆرت مانگانەی وت: ١٨ کووڵبەر لەلای کەمەو کوشیانە یا زەخمدار بۊنە ئەوەیش وە گولەی هێزە چەکدارەیل ئیران لەبان سنوور کوردستان.
راپۆرتەگە وتیش: دو کووڵبەر کوشیا و ١٣ کووڵبەر و کراکار زەخمدار بۊیە، وەگەر بیسەروشۊنی سێ کووڵبەر لە خەڵگ شار ئەرومێە یە نزیکەی ٢٠ رووژە.
پارێزگای کرماشان بەش شیرەگە داشت لەناو ئەو پارێزگایل کوردستانی لە ئیران لەلایەن شمارەی قوربانیەیلە ک ١٠٠ کووڵبەر لەی پارێزگا کوشیا و زەخمدار بۊ.