شەفەق نیوز/ دەسەی کەشناسی هەرێم کوردستان، ئمڕوو یەکشەممە، مەزەنەی وەردەوامی وەفر و واران کرد.

کەشناسی هەرێم لە بەیاننامەیگ راگەیان "ئمڕوو ئاسمان و ئەورە هاتێ نمە واران بوارێد وەگەرد دروسبوین تەم وەبان ناوچە کویەیلە، و ئاسمان هەرێم لە وەخت شەوەکی تا ئیوارە نیمچە ئەور و ئەور تەواوە" ئاشکرایکرد "ئمڕوو لە سەنتەر پارێزگای هەولێر نمەوارانە لەناوچە کویەیلە واران مامناوەندیگ هەس و لەبان لوتکە کویەیل بەرز و ناوچە سنووریەگان وەفر وارێد، و کاریگەری ئێ کەش سەقامگیرە لەبان سنوور پارێزگاى سلێمانى و ئیدارەى ڕاپەڕین و پارێزگاى هەڵەبجە زیاتر بوود،  بەڵام لە سنوورى پارێزگاى دهۆک و ئیدارەى سەروەخوەی زاخۆ تەنیا لە ناوچە کویەیلە ئەگەرى نمە واران هەس لە فرەیگ وەخت نیمە ئەور بوود، ئیوارە لە گشت ناوچەیل کاریگەری ئێ کەش ناسەقامگیرە کۆتایی تێد و ئاسمان ئەرا نیمە ئەور ئاڵشتبوود".

 بەرزترین پلەی گەرمی مەزەنەکریاگ وە پلەی سیلیزی:

هەولێر     : 18 پلەى سیلیزى

سلێمانی  : 14پلەى سیلیزى

دهۆک     : 16 پلەى سیلیزى

کەرکوک  : 17 پلەى سیلیزى

زاخۆ      :  17 پلەى سیلیزى

گەرمیان  :   19پلەى سیلیزى.