شەفەق نیوز/ سەرچەوەیگ تایبەت، ئمڕوو پەنجشەممە، خەوەردا لە وەشانن گورزەیل خەسیگ وەلایەن فڕۆکەیل جەنگی تورکیا لەبان چەن ناوچەیگ لە پارێزگای سلێمانی.

سەرچەوەگە ئەرا پەیامنێر ئاژانس شەفەق نيوز وت: فڕۆکەیل جەنگی تورکیا وەرجە نیمەڕو ئمڕوو، پەلامار چەن ئاواییگ لە سنوور ناوچەی ناڵبازیر لە قەزای پێنجوێن لە پارێزگای سلێمانی دان.

هەمیش فڕۆکەیل جەنگی تورکیا وەشیوەی خەسیگ پالامار ئاوای ئیندزێ لە کویەیل قەندیل دان.

سەرچەوەگە وتیش خەوەر لە کەفتن زەخمداری نەڕەسیە.

وەرجەیە، دژەتیرۆر هەرێم کوردستان، رووژ سێشەممەی گوزەشتە، خەوەردا ک فڕۆکەیگ بێفڕۆکەوان سوپای تورکیا، ماشینیگ جەنگاوەریل پەکەکە لە پارێزگای سلێمانی کردە ئامانج.

وەگورەی ئەو زانیاریەیلە ک دژەتیرۆر هەرێم کوردستان بڵاویان کرد؛ فڕۆکەیگ بێفڕۆکەوان سوپای تورکیا ماشینیگ پەکەکە لە ناحیەی زەلان لە قەزای شارباژێر لە پارێزگای سلێمانی کردە ئامانج، و بویە هوکار کوشیان دوو ئەندام حزبەگە وزەخمداری یەکیگتر.