شەفەق نیوز- دهۆک

تیمەیل شوینەواری وەردەوامن لە کارەیل وەشکین لە شوین مێژوویی خان "باژێڕە" لە قەزای ئاکرێ لە باکوور خورهەڵات دهۆک، کە یەکیگە لە شوینەیل گرنگ  گلەوخوەد ئەرا سەردەم ئیسلامی لە ناوچەگە، لەناوەین ئاشکراکردن پارچەیل شوینەواری و رەگەزەیل ئەندازیاری کە گرنگی مێژوویی شوینەگە نیشان دەن.

وەڕێوەبەر فەرمانگەی شوینەوار دهۆک، بێکەس بریفکانی، ئەرا ئاژانس شەفەق نیوز وت: "خان باژێڕە یەکیگە لە شوینەیل شوینەواری گرنگ لەوەر شوینە ستراتیژییەگەی لەبان ریگەیگ کوەنە کە ناوچەگە وە دهۆک و  وە تورکیا و ناوچەیل ترگ بەسێد".

بریفکانی ئاشکراکرد  خانەگە گشتی لە سەنگ و گەچ دروس کریاس، و لە گوزەشتە وەکار هاتیە جویر بنکەیگ ئەرا هچاندان رێبوارەیل و سەردانکەرەیل و بازرگانەیل، و دیاری کرد کە ئی جویرە لە خانەیل رۆڵیگ هاوشێوەی ئوتێل و بنکەی هچاندانەیل لە وەخت ئیسە داشتیە.

 وتیش: مێژوو دروسکردن خان "باژێڕە" گلەو خوەد ئەرا سەدەی شانزەیەم زایینی، لە وەختیگ کە تیمەیل وشکنین لە ناوچەیل دەورگرد شوینەگە پارچەیل شوینەواری پەیاکردن هن قۆناغەیل مێژوویی کوەنترن.

کارەیل وشکنین شوینەواری ئیسە لە شوینەگە وەردەوامە وە هەماهەنگی لە ناوەین زانکۆی ئۆدینی ئیتالی و وەڕێوەبەرایەتی شوینەوار و کەلەپوور دهۆک و ئاکرێ، و دیاریکرد  تیم وشکنینەگە پسپۆڕن لە شوینەوارەیل ئیسلامی.

ئاشکراکرد،   بڕیگ لە پارچەیل شوینەواری جوراوجویر لەماوەی کارەیل وشکنین پەیاکردنە، لە ناویان گۆزە و قلیانەیل کوەن، وەگەرد ئاشکراکردن رەگەزەیل ئەندازیاری تایبەت کە رووخسار مێژوویی شوینەگە نیشان دەن.

وەپای قسەی بریفکانی، پلانیگ ئاینده هەس ئەرا نووەوکردن خان "باژێڕە" و ئامادەکردن و پاراستن بەشەیل شوینەواریی، وە مدوو ئەوەگ یەکیگە لە شوینەیل گرنگ لە ناوچەگە.