شەفەق نیوز/ وەزیر خوەنستن باڵا و لێکۆڵینەوەی زانستی هەرێم کوردستان ئارام محەمەد قادر، ئمڕوو چوارشەممە، راگەیان 6 هەزار کورسی دابینکریایە ئەرا وەرگردن خوەنەوارەیل خوەنین باڵا لە زانکۆ و پەیمانگایەیل هەرێم لەماوەی ساڵ خوەنین 2022 - 2023.
وەزیر ئمڕوو لە کۆنگرەیگ رووژنامەوانی ک ئاژانس شەفەق نیوز ئامادەبوی راگەیان، رێژەی کورسی خوەنین باڵای ئمساڵ نزیکە لە ساڵ گوزشتە.
وتیش، 6 هەزار کورسی دابینکریاگە ئەرا هەرسێ ئاستەگەی خوەنستن باڵا، ک بریتین لە: دبلۆم باڵا، ماستەر، دکتۆرا.
ئاشکەرایکرد کورسیەیل وەیجویرە بەشەوکریەن: فەرمانبەرەیل خوەنستن باڵا، فەرمانبەرەیل وەزارەتەیل هەرێم کوردستان و دەرچگەیل زانکۆ و پەیمانگایل هەرێم.
وتیش، 1200 کورسی ئەرا دبلۆم باڵاس، و 3000 کورسی ماستەر، و 1800 کورسی دکتۆرا.