شەفەق نیوز/ ساسان عەونی وەزیر شارەوانی و گەشتوگوزار لە حکومەت هەرێم کوردستان، ئمڕوو سێشەممە، سەنگ بنەڕەتی ئەرا قیلکردن جادەیگ لە گەڕەک کلگوند وە ئامادەبوین ئومێد خۆشناو پارێزگار هەولێر و عەبدولواحید ئەحمەد سەرۆک شارەوانی هەولێر دانا.

وەگورەی بەیاننامەیگ ک رەسیە ئاژانس شەفەق نیوز، خەرج پڕۆژەگە وە ٢١٩ مەلیۆن و ٧٥٠ هەزار دینار کریەێد، ١٥% لەلی لە داهاتەیل شارەوانی هەولێرە و وەماوەی دوو مانگ کارەگەی تەواو بوود، و پڕۆژەگە رزکردن کنار ری جادەی شەهید سامی لە گەڕەک کلگوند هاناوی.

بەیاننامەگە وتیش: وەفەرمان وەزیر شارەوانی و گەشتوگوزار لە حکومەت هەرێم کوردستان، ئەوەسا لە داناین سێیەم قات لە (Stabilizer) ئەرا سێ جادە لە گەڕەک قتوی وە خەرج ٥٩ مەلیۆن دینار دانریەێد، ١٥% لە داهات شارەوانی هەولێرە وەماوەی یەک مانگ.