شەفەق نیوز/ وەزارەت پیشەسازی و بازرگانی کوردستانی، ئمڕوو سێشەممە، دەرکردن رینما ئەرا دووارە وەکارخستن زیاتر لە ٢٧٠٠ کارخانەی تایبەت راگەیان، ک لەوەر گیچەڵ دارایی و یاسایی لەکار وەسیانە، و دیاری کرد ل تەقەلای پاڵپشتیکردن بازاڕەیل کوردستان و عراق وە بەرهەم ناوخوەیی دەێد.
کەمال موسلم وەزیر پیشەسازی و بازرگانی لە هەرێم کوردستان، لە کۆنگرەیگ رووژنامەوانی لە هەولێر وت: ٢٧١٤ کارخانەی تایبەت لە هەرێم کوردستان لەکار وسیانە، لەوەر نەوین پاڵپشتیکردن دارایی و یاسایی.
وەزیر وتیش: رینما وە گلەوداین کارکردن ئی کارخانەیلە دایمن، و گلەوداین بەرهەم ناوخوەیی ئەرا بازاڕەیل هەرێم کوردستان و عراق وە شیوەی گشتی، وتیش: هەمیش کار ئەرا دەرکردن رینمایل نوویگ کریەێد ئەرا توومارکردن کۆمپانیەیل لە هەرێم کوردستان.