شەفەق نيوز/ سامان بەرزنجی وەزیر تەندروسی هەرێم کوردستان، دووپات کرد کە یەکیگ لە دوو بیمار وە تەو خوینوەربوین، ئمڕوو شەممە، دویای سەختەوبوین تەندروسیی، گیانی لەدەسدا.

بەرزنجی لە کۆنگرەیگ رووژنامەوانی وت: وەداخەو تەو خوینوەربوین یە چەن مانگیگە لە عراق بڵاو بویە،   هەرێم کوردستان لەوە جیا نییە، دیاری کرد کە تا ئیسە توویشهاتن دوو کەس توومار کردیمنە، یەکیگیان ژینگە خاوەن ماڵ لە تەمەن 45 ساڵە، دویەکە لەوەر نائارامیی تەندروسیی ئەرا خەسەخانە بریا، و ئمڕوو گیانی لەدەسدا، کە خەڵک ناحیەی شێلا٦لە قەزای عمادیە بوی.

دیاری کرد کە ئەو ژنە لە ئەنجام رەفتار وەرد ئەو ئاژەیڵەیلە کە لە ماڵ ئیوەتیان کەن تویش بیماریەگە هاتگە.

د. سامان دووپات کرد لە گرنگی دویرکەفتن خاوەن ئاژەڵەیل لە رەفتارکردن راستەخۆ وەگەردیان، و پابەندبوین وە رینمایەیل تەندروسی خوەیان و ئەو هاوڵاتیەیل، چوینکە ئی بیماریە هەڵامەتییە، و هەناێ لە عراق و ناوچەیل دەورگرد کوردستان بڵاو بوی بیگومان رەسێدە ناو هەرێم کوردستان.

  شەوەکی ئمڕوو، وەڕیەوبەر تەندروسیی دهۆک، توومارکردن یەکەمین مردن وە بیماری تەو خوینوەربوین لە پارێزگاگە و لە ئاست هەرێم کوردستان لە ساڵ 2025 راگەیان.