شەفەق نیوز/ وەزیر ئەوقاف و کاروبار ئاینی هەرێم کوردستان پشتیوا سادق، ئمڕوو پەنجشەممە، راگەیان سەرەتای چارەسەرکردن مووچەی کراکارەسل لە کەرت گشتی سەرەتای چارەسەرکردن ناکۆکی و گرفتەل ناوەین هەولێر و بەغدادە.
سادق لە سیمیناریگ گفتوگوردن لە بارودۆخ عراق و خوەرهەڵات ناوڕاس وت؛ وسیان سەرۆک ئەنجومەن وەزیرەل محەمەد شیاع سودانی ئەرا چارەسەرکردن دۆسیەی مووچەی فەرمانبەرەیل هەرێم کوردستان جیگەی رێز و پێزانین بەرزیگە، و سەرەتایگە ئەرا چارەسەر دۆسیەی ناکۆکیەیل ترەک.
لەباوەت هەڵوژاردن پەلەمان هەرێم کوردستان کە بڕیارە لە مانگ حوزەیران ئایندە وڕیوە بچوود، سادق وت ئەو وەرپرس نویسینگەی رێکخستن پارتی دیموکراتی کوردستانە لە هەولێر: 90 لە سەد حزبەیل ناوەیلیان پێشکەش کردنە و کۆمیسیۆن باڵای سەروەخوەی هەڵوژاردنەیل لەو باوەڕەس هەڵوژاردن پەرلەمان لە هەرێم وەبی پارت دیموکرات وەڕیوە نیەچوود.