شەفەق نیوز/ ئەرا سێیەم رووژە لەبان یەک، ناڕەزایی خوەنەوارەیل زانکۆی چەرموو لە سلێمانی وەردەوامە، وەبی جواویگ فەرمی ئەرا داواکارییان.

پەیامنێر ئاژانس شەفەق نيوز لە سلێمانی وت: وە ماوەی سێ رووژ گوزەشتە، خوەنەوارەیل دە بەش لە زانکۆی چەرموو لە قەزای چەمچەماڵ سەروە پارێزگای سلێمانی واز لە هۆڵەیل خوەنستن هاوردنە، لەوەر ناڕازییان لەبان ئەوە ک ناونشان فەرمانبەری وە دەرچگەیلیان نیریاس، ک ئەو ناونشانە شوین دامەزراننیان دیاری کەێد.

وتیش: شەوەکی ئمڕوو، خوەنەوارەیل لەوەردەم سەرۆکایەتی زانکۆگە گردەو بوین، دویای ئەوە ک دویەلە ری ناوبەین پارێزگای سلێمانی و پارێزگای کەرکوک تا چەن ساعەتیگ بڕین.

وتیش: خوەنەوارەیل زانکۆگە دووپات لە وەردەوامی خوەینیشاندانیان کردن تا وەزارەت خوەنستن باڵا لە هەرێم کوردستان داواکارییان جیوەجی کەێد و ناونشان فەرمانبەری ئەرایان دیاری کەێد.