فەرهاد محمد وەڕیەوبەر بەنداو دهۆک ئەرا ئاژانس شەفەق نیوز وت: بەنداو سەبە بوودە خاوەن سوود گەورەیگ ئەرا خەڵک ناوچەگە ئەرا کشتوکاڵی و گەشتوگوزاری، و دیاری کرد کە بەنداوەگە ٦ مەلیۆن مەتر شەشپاڵوو گرێد، و بودجەی گشتی پڕۆژەگە رەسێدە نزیکەی ٧ ملیار دینار عراقی، و وەلایەن حکومەت هەرێم کوردستان سپۆنسەر کریایە.
محمد وتیش؛ حکومەت کوردستان بڕیار خاسەوکردن بەنداو بیدهی لە ناحیەی کانی ماسی باکوور دهۆک دایە.
وتیش؛ یە نۆ ساڵە پڕۆژەی کارکردن لەی پڕۆژە وسیایە لەوەر رەوشەیل ئەمنی و جەنگ پەکەکە و تورکیا، و وە تەقەلای حکومەت، دووارە وە پڕۆژەی بەنداوەگە و گەشەکردنی هویرەو کریا، کە ئیرنگە بەنداوەگە نزیکەی یەک مەلیۆن و ٨٠٠ هەزار مەتر شەشپاڵوو گرێد.
ئی گامەیل نووە، پابەندی حکومەت وە خاسەوکردن ژیرخانەیل ناوچەگە و دابینکردن سەرچەوەیل ئاو نشان دەێد، ک دەسمیەتی لە پاڵپشتیکردن کەرت کشتوکاڵی و گەشتوگوزاری دەێد، و خاسی وەرچەویگ خەێدە ژیان هاووڵاتیەیل ناوچەگە، وەگورەی قسەی وەڕیەوبەر بەنداوەگە.
چەوەڕی کریایە بەنداوەیل سەبە و بیدهی بوونە دوو زیایەی ستراتیژی ئەرا هەرێم کوردستان، دەسمیەتی لە خاسەوکردن ژیرخان ناوچەکە دەێد، و ئارامی و ئەوزەڵبوین هەمیشەیی قایم کەن.