شەفەق نیوز- دیمەشق
لیژنەی ئاوارەیل سەرێ کانی، رووژ شەممە، هوشداری دا لە خراوەوبۊن رەوش مرۆیی و ئەمنی لە کەمپەیل (واشۆکانی و تەڵائیع) لە پارێزگای حەسەکە، دۊای دوایین شەپۆل واران کە زیان وە چادرەیل رەسان، لە ناوڕاس داواکارییەیل ئەرا نووەوکردن چادرە دڕیاگەیل و خێراکردن گلەوخواردن خیزانەیل ئەرا ناوچەیلیان وەرجە هاتن وەرز زمسان.
قسەکەر وەناو لیژنەگە، مەحموود جەمیل، ئەرا ئاژانس شەفەق نیوز وت، کە هەردوگ کەمپەگە وە قەیرانیگ راسگانی رەد بوون، وە دەسنشانکردن ئەرا ئەوە کە چادرەیل تر توانای دابینکردن پاراستن هەوەجەدار نەیرن ئەرا خیزانەیل لە سەردی و گەرمی و واران، لە سای دڕیان شمارەیگ فرە لەلیان، وە تایبەت کۊنەیل.
وتیش کە لیژنەی ئاوارەیل سەرێ کانی لە هەفت ساڵەو داوا لە ریخریاگەیل کەێد پاڵپشتی پیشکەش وە کەمپەیل بکەن و چادرە دڕیاگەیل نووەو بکەن، وەلێ وەڵامدەر داواکریای وەرنەگردگە، کاریگ کە سەختی ئەو رەوشەیلە فرەترەو کەێد کە خیزانە ئاوارەیل وەپی ژیەن.
جەمیل دەسنشان ئەرا ئەوە کرد کە لیژنەگە چەن جاریگ داوا لە حکومەت سووری کردگە پرۆسەی گلەوخواردن ئاوارەیل خێرا بکەێد و شمارەی خیزانەیل لەناو کاروانەیل گلەوخواردن فرەترەو بکەێد، وەرجە هاتن وەرز زمسان، وەلێ بوون کۆسپ و دۊاکەفتن لە ریکارەیل ریگر بۊ لە وەدیهاتن یە وەو خێراییە کە خوازیەێد.
داوا لە لایەنە پەیوەندیدارەیل وە دۆسیەی گلەوخواردن کرد، لە ناویان شاند سەرۆکایەتی سووری و ریخریاگە دەوڵەتییەیل و کۆمیسیاری باڵای نەتەوە یەکگرتگەیل ئەرا کاروبار پەناهەنەیل، کار بکەن ئەرا خێراکردن گلەوخواردن خیزانەیل ئەرا ناوچەیلیان، وە هوشدارداین لەوە کە وەردەوامبۊن دۊاکەفتن دەرد ئاوارەیل دووئەوەنە کەێد وەرد نزیکەوبۊن وەرز زمسان.
لە لایەن ئەمنییەو، جەمیل فتراق خستە بان داوەزیان رەوش لەناو هەردوگ کەمپەگە، وە تایبەت دۊای گلەوخواردن سەدان خیزان ئەرا ئاوەیلیان، و ئەوەگ وەرد یە هات لە کەل لە بڕیگ لە شوینەیل، وە دەسنشانکردن ئەرا توومارکردن پرۆسەیل دزیکردن لەناو هەردوگ کەمپەگە.
داوا کرد دۆسیەی خێراکردن گلەوخواردن ئاوارەیل لەپیشینەیی وەپی بیریەێد لە رووژەیل ئایندە، لە شان نووەوکردن چادرەیل ئەرا ئەو خیزانەیلە کە هێمان لە هەردوگ کەمپەگە نیشتەجین، و وەهێزکردن ریکارە ئەمنییەیل ئەرا سنووردارکردن دزیکردن و مسۆگەرکردن بیوەیی دانیشتگەیل.
جی باسە کە شەش کاروان گلەوخواردن لە ئاب گوزەشتەو تا ئیسە رێک خریاگە، و گلەوخواردن 3,278 خیزان لەخوەی گرد ئەرا سەرێ کانی و ئاوایەیلی، بیجگە لە شمارەیگ لە ئاوایەیل لە تەل تەمر و زەرکان و ئەبو راسەین باکوور حەسەکە.