شەفەق نیوز/ عزەتولڵا زرغامی وەرپرس وەرین ئێزگەو تەلەفزیۆن ئیران، باس خاسی  مام جەلال  سەرۆک کۆمار وەرین عراق  کرد.

زرغامی لە پۆستیگ وەرینی لەبان ئەنستیگڕام ئاماژە کرد وە دیداریگ وەگەرد مام جەلال رەحمەتی، ک مام جەلال وە هەنەکی وتگە من شوننەم، لە گردەوکردن ناوبەین شیعە و سوننە، و ئامانجی لەی قسە نزیکەوکردن لەناوبەین دوو مەزهەبە ئیسلامیەگە بوی.

دەربارەی کەناڵە کوردیە ئیرانیەگان ک مام جەلال خوەشی لە چەودیری کردنیان هاتگە، زرغامی لە زوان مام جەلال وت: تەماشای بەڕنامەیل تەلەفزیۆن پارێزگای ئیلام فەیلی کەم، و زاراوەی کەناڵەکە وە گونجیاگ ئەرا تەماشاکەرەبل هەرێم کوردستان لە سلێمانی زانست.

زرغامی باس رەوشت خاسی مام جەلال کرد ک وت: تەنانەت دویای ئەوە ک بویە سەرۆک کۆمار عراق ئاڵشت نەوی بەڵکم زیاتر سەرچەمانیاد، و ئەیە دەرس گرنگیگە بایەدە وەرپرسەیل ئیران لەلی هووکارە بون.