ئەکرەم ئیسماعیل لە کۆنگرەیگ رووژنامەوانی وت: دویای چەن چرکەیگ لە سواربوین ماشینەگە تەقیەو، و ماشینەگە لەناو ماڵ بوی، و رانندەگە وەرجە چارەک ساعەتیگ دەری کرد و هویچیگ نەویر باوجی هەناێ خوەم سواری بویم هەس کردم چشتیگ هەس، ئەراوە خوەم و یاوەر و رانندە لە ماشینەگە هاتیمنە خوار، ئیجا ماشینەگە تەقیەو.

وتیش: ئی کارە تیرۆریە و وەتگبیر کریاس و من لەی تەقینەوە وە ئامانج کریامە، وەلێ سوپاس ئەرا خودا، من و یاوەر و رانندە زەخمدار سووکیگ بویمن، و ماشینەگە وە تەواوی سزیا.

ئەکرەم ئیسماعیل داوا لە دەزگایل ئەمنی لە گەرمیان کرد لێکۆڵینەوەی هویردیگ بکەن و سوود لە کامیرایل ماڵەگەی و جادەگە بگرن تا بڕەسنە تاوانکارەیل.

شەوەکی ئمڕوو، سەرچەوەیگ ئەمنی ئەرا ئاژانس شەفەق نیوز وت: تەقینەوەیگ وە بومبیگ لکیاگ وەرپرس لق ٢٢ پارت دیموکرات کوردستان ئەکرەم ئیسماعیل کردە ئامانج.