شەفەق نیوز ـ سلێمانی
وەڕێوەبەرایەتی وەرگری شارستانی لە پارێزگای سلێمانی، ئمڕوو سێشەممە، زەردەیل مادی لە ئەنجام هیزگردن ئاگر گەپترین کۆگای سزەمەنی لە ناوچەی پیشەسازی "تانجەڕۆ" وە نزیکەی سێ ملیۆن دۆلار ئەمریکی مەزەنە کرد، و دووپاتکرد لەبان وەردەوامی لێکۆڵینەوەیل ئەرا ئاشکراکردن هویردەکارییەیل رویداوەگە.
وەڕێوەبەر وەرگری شارستانی لە سلێمانی، عەمید ئاری مەحموود، لە کۆنگرەیگ رووژنامەوانی، ئاگرەکە وە "فرە گەورە" وەسف کرد، و دیاری کرد تیمەیل ئاگرکپەوکردن تەقەلادابوین ئەرا ئاخڵەداین ئاگرەکە و بەجەرکردن و نواگیری لە بڵاوبوین ئەرا شوینەیل نزیک.
مەحموود لەبان رخداریەیل کە ئاگرەگە دروستیکردیە ئاشکراکرد، لە هەمان وەخت وەرگیری شارستانی وەردەوامن لە کارەیل مەیدانی ئەرا چەودێری بارودۆخەگە لە نزیکەو، وە تایوەت وەرد بەرزەوبوین پلەی گەرمی و خێرایی وا، و دیاریکرد ئەرا توومارکردن زەخمداربوین 4 ئەندام لە وەرگری شارستانی کە دوو ئەفسەریان گرێدەخوەی لە وەخت جیوەجیکردن کارەیل کپەوکردن.