شەفەق نیوز/ سەرچەوەیگ ئەمنی لە پارێزگای هەولێر پایتەخت هەرێم کوردستان، ئمڕوو دووشەممە، خەوەردا ک تیمەیل وەرگری شارستانی تەقەلای کپەوکردن ئاگریگ لەناو یەکیگ لە بازاڕەیل شارەگە دەن.
سەرچەوەگە ئەرا ئاژانس شەفەق نیوز وت: ئاگر لەناو بازاڕ دوان تاون ئەرا پڕتاڵ لەناوڕاس شار هەولێر نزیک قەڵای هەولێر هیز گرد، ئەوەیش وە شۆرتیگ کارەبایی ک بویە هووکار زەرەدەیلیگ ک رەسینە چوار دوکان.
سەرچەوەگە وتیش: تیمەیل وەرگری شارستانی -تا نویسیان رەسین خەوەرگە- هیمان تەقەلای کپەوکردن ئاگرەگە دەن.