شەفەق نيوز/ سەرچەوەیگ ئەمنی، ئمڕوو شەممە، خەوەردا لە کەفتن فرۆکەیگ بێفڕۆکەوان ئیرانی، وەبان کویەی قەرەچۆغ نزیک قەزای مەخموور.

سەرچەوەگە ئەرا ئاژانس شەفەق نیوز وت: درۆنیگ کە لە زەویەیل ئیرانەو هاتوێد، نیمەڕو ئمڕوو، کەفتە بان کویەی قەرەچۆغ نزیک قەزای مەخموور لە پارێزگای هەولێر.

هەولێر وەخوارکەفتن شمارەیگ لە درۆنەیل ئیران وەخوەی دی، لە وەختیگەو جەنگ ناوەین خوەی و ئیسرائیل بە رووژ جمعەی 13 حوزەیراەو تا ئیسە دەسوەپی کردگ، و ئەو درۆنەیلە روی وەرەو ئیسرائیل کردوێن، و مەزەنە کریەێد لەوەر گیچەڵ هونەری کەفنەخوار.