شەفەق نیوز/ سەرچەوەیگ ئەمای، ئمڕوو پەنجشەممە، خەوەردا لە کوشیان دوو دویەت و زەخمداری باوگیان لە ئەنجام مەرافەیگ هووزانەی چەکداری لەناوەین دوو خێزان لە پرۆژەی نیشتەجیبوین پێشڕیان سەر وە قەزای بەردەڕەش لە خوەرهەڵات پارێزگای دهۆک.
سەرچەوەگە وە ئاژانس شەفەق نیوز خەوەردا "قوربانیەیل هویچ پەیوەنیگ وە مەرافەگەو نەیاشتنە لەناو ماشینیان بوینە هەنای لە نزیک شوین رویداوەگە رەدبوون رویوەروی تەقەکردن بوون کە بودە مدوو کوشیان دوو یەت تەمەن 11 و 13 ساڵان، و زەخمداری باوگیان کە ئەرا چارەسەرکردن بریارە خەستەخانە".
وەپای شایەتحالەیل، باوگ دویەتەیل خێزانەی ئەرا ماڵ باپیریان بردیە لە ناحیەی "کەلەک" تا هچان جەژن وەسەربوەن، دووپاتکرد کە داڵگیان تەنیا کەسیگە لە مەرافەگە هویچ زەردیگ وەپی نەڕەسیە.