شەفەق نيوز/ وەردەوەردەیگ ناوەین دوو هاوسا لە شار هەولێر، شەو شەممە، بویە هوکار کوشیان ئەندامیگ لە دەزگای ئاسایش و زەخمداری کوڕەگەی، لە رویداویگ وە دەمەقاڵ ئاسانیگ لەبان ئیوەتکردن کەموتەر دەسوەپی کرد.
سەرچەوەیگ ناوخوەیی ئەرا ئاژانس شەفەق نیوز وت: یەکیگ لە هاوسایەیل بیزار بویە چوینکە هاوساگەی لەبان خاتنگ ماڵیان کەموتەر ئیوەت کەێد، کە بویە دەمەقاڵیان، وتیش: وەزوی بویە وەردەوەردەی سەختیگ ئمجا رەسیە وەکارهاوردن چەک و نەقەکر، کە یەکیگیان کوشیا کە ئەندامە لە هیزەیل ئاسایش.
وتیش: کوڕ کوشیایڵگەیش لەو مەرافە زەخمدار بوین و ئەرا خەسەخانە بریا، وەبی ئاشکراکردن ناسنامەی بکوشەگە یا چ ریکاریگ بریا.