شەفەق نیوز/ سەرۆک هەرێم کوردستان نێچیروان بارزانی، ئمڕوو دووشەممە، پیرۆزبایی لە گشت ئێزیدیەیل کرد وە بوونەی ساڵیاد سی و دوساڵەی بونیادنان بنکەی روشنهویری لالش، دووپاتکرد لەبان ئەو رۆل گەپە بنکەگە داشتیەسێ لە خزمەتکردن روشنهویری کوردی و ئێزیدیەیل.
بارزانی لە بەیاننامەیگ رەسیە ئاژانس شەفەق نیوز راگەیان،
وە دەربڕین پێزانین خوەی ئەرا ئەو کار و خزمەتگوزاری و دەسکەفتەیلە کە سەنتەرەگە وە درویژایی مێژوو پێشکەشی کردیە، سوپاس کارگێڕی سەنتەر و سەرجەم کارمەنەیل کرد، هیوای سەرکەفتن وەردەوام ئەرایان خواستن لە ئەرکەیلیان.
سەرۆک هەرێم دووپاتکرد لەبان گرنگی پاڵپشتی و وەردەوامی چالاکیەیل و کارەیل بنکەی لالش، وتیش "جویر کانیگ زوڵال رشێدە ناو چەم روشنهویری کوردی".
بارزانی دووپاتکرد، پاڵپشتیەیلی وەردەوامە ئەرا گشتپێکهاتەیل کوردستان لە ئاین و هوزەیل جیاواز، دووپاتکرد لەبان "کوردستان جویر وڵات گشتمان مینێد و هەمیشە پشتیوان و پارێزگار مافیانم، کوردستان وڵاتیگ پڕ رەنگی و یەکتر قەبولکردن و وەگەرد یەک ژیان ئاشتیانەس".