شەفەق نیوز/ ئمڕوو چوارشەممە، لە شار سلێمانی، وە ئامادەبوین سەرۆک حکومەت ناوخوەیی، هەڤاڵ ئەبوبەکر، و شمارەیگ لە وەرپرسەیل حکومی، دانیشتن حەڤدەهەم پێشانگای ناودەوڵەتی DBX وازکریا.

پێشانگاگە لە سەنتەر پێشانگای ناودەوڵەتی لە ناوچەی تاسڵوجە وەڕیەو چوود، وە بەشداری زیاتر لە 100 کۆمپانیای ناوخۆیی و نتودەوڵەتی لە کەرتە جیاوازەیل.

حەسەن ڕەحیم، سەرپەرشتیار پێشانگاگە ئەرا ئاژانس شەفەق نیوز وت: “پێشانگاکە کە لەلایەن کۆمپانیای عراق ئەلتەقەدوم و وە سەرپەرشتی ژوور بازرگانی و پیشەسازی سلێمانی و حکومەت سلێمانی وەڕیەو چوود، کۆمپانیایل لە کەرتەیل ماشین، پیشەسازی، خەەراک، پاکەوکردن، پزیشکی، پەروەردە، توێژینەوەی زانستی و بازرگانی، و ئی کۆمپانیایلە نمایش نووترین بەرهەم و داهێنانەیل ئەرا خەڵک و بازرگانان و پیشەسازییەیل نمایش کەن، دەرفەتیگ ئەرا دروسکردن و بیناکردن هاوبەشی ئابووری پەیا کەێد.”

وتیش: "پێشانگاکە شمارەیگ کۆمپانیای ناوخۆیی دیاریش هاناوی، بیجگە لەوە کە کۆمپانیا ناودەوڵەتییەیل بەرهەمە جەهانییەیل لەڕی هاوبەشەیلیان لەهەرێم کوردستان نمایش کەن، یەیش وەیەکدان بازرگانی ناوەین لایەنە جیاجیایل بەرزەو کەێد".

لە پێشانگاگە شمارەیگ وەرپرس حکومەت و بڕیگ لە بازرگانەیل و نوێنەر وڵاتەیل بەشداربوین.

رەحیم وتیش "پێشانگاگە وە بەشداری زیاتر لە 100 کۆمپانیای ناوخۆیی و بیانی دەسوەپی کرد، کە نوێنەرایەتی نزیکەی 40%ی کۆمپانیا بیانییەیل و 60%ی کۆمپانیا ناوخۆی کەن".

پێشانگاگە لە ١٨ تا ٢٣ی ئەیلول وەردەوامە، و رووژانە لە ساعەت ١١ی شەوەکی تا ٦ ئیوارە پیشوازی لە سەردانکەرەیل کەێد.

لە پەراویز پێشانگاگە، هەڤاڵ ئەبوبەکر پارێزگار سلێمانی لە ناو کۆنگرەیگ رووژنامەوانی کە ئاژانس شەفەق نیوز ئامادەی بوی، وت: “شار سلێمانی لەڕەی شمارەی بەرهەمهاوردن و پڕۆژە ئابوورییەیل پلەی یەکەم لە ئاست عراق دیرێد”.

ئەبو بەکر لە بەشداریکردنی لە چالاکییەیل ١٧هەمین پێشانگای ناودەوڵەتی لە شار سلێمانی دووپات لەوە کرد کە “شارەگە وە بویین شەش دەروازەی بازرگانی ناودەوڵەتی جیاوازە، یەیش بیجگە لەوە کە گەورەترین تووڕ هامشوو ئاسمانی (کارگۆ) دیرێد کە باشوور خوەرهەڵات ئاسیا وە ئەوروپا بەسێدەو”.

وتیش: "ئامانج ئی پیشانگا ڕووشنایی بخەێدە بان بەرهەمە ناوخۆییەیل و بەرزکردن هەلی بەرهەمهاوردن و دامەزرانن لە ناوچە جیاجیایل شارەگە، ە دڵنیایی فرەی خوەی وە کوالێتی بەرهەمە ناوخۆییەیل لە کوردستان و عراق نشان دا، و دیاری کرد کە کە سلێمانی گەشەپیدان لەی بوارە وەخوەی دوینێد”.

 پارێزگار سلێمانی وتیش: "لە عراق فیدراڵی 12 دەروازەی بازرگانی ناودەوڵەتی هەس، شەش دەروازە لەلییان کەفنە سنوور پارێزگای سلێمانی، یەیش هیلێد ناوچەگە بوودە ناوەندیگ بازرگانی گرنگ، و جویلەی هاوردن و بردن کەلوپەل لە دەروازەی باشماخەو وەرەو بەندەر عەباس لە باشوور ئیران کە کوڵترین ری هشکاییە، و درویژییەگەی ٦٠٠ کیلۆمەترە، فاکتەریگ جەوهەرییە ئەرا قایمکردن ئابووری ناوخۆیی.”

ئەبوبەکر رووشنایی خستە بان گرنگی فڕۆکەخانەی سلێمانی کە نزیکترین پەیوەندی ناوەین باشوور خوەرهەڵات ئاسیا و ئەوروپاس، کە زویترین و گەورەترین کڕ بارهەڵگر ئاسمانی لە عراق و ناوچەگە دیرێد.

وتیش: شارەگە خاوەن خاسترین تووڕ بار ئاسمانی له عراقە، یەیش بەشدارە له پاڵپشتیکردن جموجویل ئابوری.

ئەبوبەکر دووپات لەوە کبم کە سلێمانی لە دوو ساڵ گوزەشتە لە بوار پڕۆژەی بەرهەمهاوردن پیشەنگی عراق گردگە، و ئی دەسکەفتە ڕەنگدانەوەی تەقەلای هاووڵاتیەیل و کۆمپانیا ناوخۆیی و ناودەوڵەتییەیلە.  و داوا کرد ئابوورییگ وردەوام کرد.

 پێشانگای ناودەوڵەتی DBX لە سلێمانی وە یەکیگ لە دیارترین بوونە ساڵانە دانریەێد کە کۆمپانیایل جەهان گردەو کەێد، ئەرا نمایشکردن نووترین داهێنان و بەرهەمەگانیان لە چەن بواریگ، جویر پیشەسازی و تەکنەلۆجیا و پزیشکی و پەروەردە.

ئی چالاکییە دەرفەتیگە ئەرا بەرزکردن هاوکارییە ئابوورییەیل ناوەین بازرگانەیل ناوخۆیی و ناودەوڵەتی، کە بەشدارە لە پاڵپشتیکردن گەشەسەنین ئابووری لە هەرێم کوردستان.