شەفەق نیوز - گەرمیان

ئیدارەی ڤیستیواڵ "بازاڕ گەرمیان" لە چوارچمگ ئیدارەی  سەربەخۆی گەرمیان لە هەرێم کوردستان، ئمڕوو شەممە، دەسکردنە ئامادەکارییەیل ئەرا ڕرێکخسن هەفتەمین خول ڤیستیواڵەگە راگەیان، دیاریکردن ئەرا ئەنجامدان بڕیگ ئاڵشتکردن لە میانیزم رێکخسن و ئیدارە وە بەراورد وە خولەیل گوزەشتە.

ئیدارەی ڤیستیواڵەگە لە بەیاننامەیگ ئاژانس شەفەق نیوز ئیسفایکردیە وت، ئامادەکاریەیل ئەرا خول هەفتەم ڤیستیواڵ بازاڕ گەرمیان دەسوەپیکردیە وە هەماهەنگی وەرد کارەیل رێکخسن و دانان کۆشکەیل تایوەت وە بەشداربویەیل.

وتیش: نزیکەی 100 خاوەن پرۆژە و چالاکی بازرگانی تا ئیرنگە ناوەیلیان توومارکردنە لە ڤیستیواڵە، پرۆسەی توومارکردن ئەرا ئەو کەسەیلە خوازیارن وەردەوامە.

ئیدارەی ڤیستیواڵەگە دیاریکرد ئێ خولە ئیرنگە بڕیگ ئاڵشتبوود  لە شێوازی ئیدارەدان و رێکخسن چالاکییەیل، بی ئەوەگ هویردەکاری زیاتر لەبان جویر ئەو ئاڵشتکاریەیلە ئاشکرا بکەن.

بڕیارە ڤیستیوالەگە رویوەر ئەرا نیشاندان بەرهەم و چالاکییە بازرگانییەیل دابین بکەێد، لەناو چەوەڕوانیەیل ئەرا بەشداریکردن خاوەن پڕۆژە و کارەیل لە ناوچە جیاجیاگەیل گەرمیان.