شەفەق نیوز/ وەڕێوەبەرایەتی هاتوچوی پارێزگای سلێمانی، ئمڕوو یەکشەممە، راگەیان دەسکریا وە خستنەوەکار کامیرەیل چەودێری خێرایی وە سیستم "پۆینت تو پۆینت" لەناوەین ناوچەیل تاسلوجەو چەمچەماڵ.

وەڕێوەبەرایەتیەگە لە بەیاننامەیگ ئاژانس شەفەق نیوز ئیسفایکرد ئاشکرایکرد، لە سەرەتای پیەڵ تاسلوجە دەسوەپی کەێد تا کۆتایی وێستگەی ( بانی مەقان) ئۆپراسیۆن دانانی وە سەرکەفتی تەواوی بوی ئیرنگە ها لە قۆناغ خستنەکار تاقیکردنەوە. 

وەپای بەیاننامەگە، سیستمەگە وەشیوەی فەرمی رووژ چوارشەممە بڕوار  نۆڤەمبەر لە ساعەت 12:00 نیمەڕوو خرێدەکار،سیستمەگە هەر زیایچگنیگ خێرایی کە لەبان ری دیارکریاگە توومارکەێد، رانندەیل سەرپیچیکار رویوەروی سزایەیل یاسایی بوون کە سزای دارایی گرێدەخوەی.

وەڕێوەبەرایەتیەگە داوا لە رانادەیل کەێد پابەندبوون وە ئەو خێرایەیلە لەبان ری دیاریکریانە، و لەبان نیشانەیل هاتوچوی دانریانە، ئەرا دویرەوکەفتن لە رویداوەیل یا سزایەیل دارایی.