شەفەق نیوز/ وەڕیەوبەرایەتی کەشناسی و زەویلەرزەناسی هەرێم کوردستان، ئمڕوو پەنجشەممە، مەزەنەیل کەشوهەوای دوو رووژ راگەیان.
وەڕیەوبەرایەتیەگە لە بەیاننامەیگ رەسیە ئاژانس شەفەق نیوز وت: ئمڕوو ئاسمان ساماڵ و لەکە ئەورە، لە بڕیگ ناوچە ئاڵشتبوود ئەرا نیمە ئەور، پلەی گەرما نزیکە لە توومارەیل دویکە.
ئاشکەرایکرد، سوو پەنجشەممە ئاسمان لەناوەین لەکە ئەور و نیمەئەورە، و پلەی گەرما جیگیری مینێد.
بەرزترین پلەی گەرمای مەزەنکریاگ شار و ناوچەیلە وەی جویرە بوود (هەولێر 43 پلەی سیلیزی، سلێمانی 41، دهۆك 43، كەركوك 46، هەڵەبجە 44، زاخۆ 44، حاجی ئۆمەران 29، سۆران 41 و گەرمیان 48 پلەی سیلیزی).