شەفەق نیوز/ لە شار هەولێر پایتەخت هەرێم کوردستان، ئمڕوو چوارشەممە، پێشانگای ساڵانەی کتاو واز کریا، و لە خولە زیاتر لە  4000 ناونیشان وە زوان کوردی و ئینگلیزی لەناوی بوی.

هەمەڕەنگی لە ناونیشانەیل و ئامادەبوین فرەیگ

شێرکۆ، یەکیگ لە سەرپەرشتیارەبل پێشانگاگە، ئەرا ئاژانس شەفەق نیوز وت: شانازی هەس وە پیشکەشکردن ئی چاپە لە پێشانگاگە، کە گرنگیدان خوەنەوار و رووشنهویرەیل لە جویراجویر تەمەنەیل کیشێد، و ئمساڵ، بەشداریکردن کەورەیگ لە ماڵەیل بڵاوکردن دیمن، کە چاپەیل نوویگ لە ئەدەب و میژوو و زانست و فیکر دەرکردنە.

وتیش: ئامانج ئیمە دروسکردن ژینگەیگە کە بڵاوکەرەیل، نویسەرەیل، خوەنەوارەیل، گردەو بکەێد، وەشیوەیگ دەسمیەتی لە دەوڵەمەنکردن سیمای رووشنهویری لە کوردستان بەێد.

دەرفەت ئەرا خوەنەوار و نویسەرەیل گەنج 

لەلای خوەییش، سێبەر، یەکیگە لەو خانمەیلە کە لەی پێشانگا بەشداری کردنە، باس گرنگی رویداوەگە و رۆڵی لە بەرزکردن رووشنهویری لە ناوچەگە کرد، کە ئەرا ئاژانس شەفەق نیوز وت: ئی پێشانگا بازاڕیگ تەنیا ئەرا کتاوەیل نییە، بەڵکم سەکوویگە ئەرا زانستن و پەیوەندی رووشنهویری، دەرفەت وەپیمان دەێد تا چەومان وە نویسەر و بڵاوکەرەیل بکەفێد، و نووترین چاپەیل یناسیمن، هەمیش دەرفەت وە نویسەرەیل گەنج دەێد تا کارەیلیان نمایش بکەن.

  سێبەر وتیش: ئی پێشانگا بڕیگ دەرفەت دروس کەێد، چ ئەرا بڵاوکەرەیل کە تەقەلا دەن بڕەسنە خوەنەوارەیل نوویگ، یا ئەرا خوەنەوار و تۆێژینەکارەیل مە سەرچەوەیل نوویگ ئەرا خوەنەوارییان پەیا کەن.

پێشانگاگە، هاتن فرەیگ لە سەردانکەرەیل وەخوەی دوینێد، مە لەی رویداوە دەرفەتیگ پەیا کەن ئەرا زانستن لە نووترین چاپەیل و سەنین کتاو وە نرخیگ گونجیاگ.

 پێشانگاگە تا چەن رووژیگ وەردەوامە، و مەزەنە کریەێد شمارەی گەورەیگ لە دووسەیل رووشنهویری و زانست بکیشێد.