شه‌فه‌ق نيوز/ هونه‌رمه‌ند ناودار كورد سه‌عيد گابارى له ته‌مه‌ن 64 ساڵان ماڵئاوايى له دونيا كرد، ئه‌وش دوياى كيشمه‌كيش فريه‌يگ وه‌ل نه‌خوه‌شى.
له‌ى باوه‌ته‌و، سه‌رچه‌وه‌يگ پزيشكى ئه‌را شه‌فه‌ق نيوز وت: گابارى له سه‌عاته‌يل يه‌كه‌م ده‌مه‌و شه‌وه‌كى ئمڕوو له نه‌خوه‌شخانه‌ى سه‌رده‌م له شار هه‌ولێر پايته‌خت هه‌رێم كوردستان گيان له‌ده‌سداگه دوياى شيويان حاڵه‌ت ته‌ندروستيى.
جى باسه، گابارى خه‌ڵك شار حه‌سه‌كه‌ى كوردستان سورياس ك ناسرياگه وه وتن گورانيه‌يل حه‌ماسى و شۆڕشى و فۆلكلۆرى و لايه‌نگره‌يل فراوانيگيش ديرێد و له‌ساڵ 1956 هاته‌سه دونيا و خاون 8 مناڵه.