شەفەق نیوز/ بڕیگ لە هونەرمەنەیل کورد، ئمڕوو سێشەممە، یادداشاتیگ دانە دەس وەزارت پێشمەرگە، داوا لەلی کەن نەکیشیەنە ناو جەنگ ناوخۆیی لەناوبەین پێشمەرگە و پەکەکە.
هونەرمەن شەفان بەروەر لە کۆنگرەیگ رۆژنامەوانی لەوەردەم بینای وەزارت پێشمەرگە وت: ئمڕوو وەناو یەکێتی هوونەرمەنەیل کوردستان هاتیمنە تا ئەرا گشتی بویشیمن ک ئی هەرێمە ئومید گشت کوردە، وتیش: هاتیمنەسە وەزارەت پێشمەرگە تا وەپیان بویشیمن؛ نەکفنە شوین جەنگ ناوخۆیی.
وتیش؛ کوردستان وڵاتیگە خاکەکەی تەڵاس، و بایەتە کەل کورد ئەرزش ئی خاکە بزانێد، و بایەتە وەیەکەو کار ئەرا مقەیەتیکردنی بکەیمن.
هەمیش وت: نووڕستیمن ک گرنگە سەردان وەزارت پێشمەرگە بکەیمن، چوینکە خوەی پەیوەندارە وە باوەت وەرگریکردن لە هەرێم، و وەزیرەگە پیشوازی لەلیمان کرد و دڵنیامان کرد ک جەنگ ناوخۆیی نییە،و ئیمە دڵنیایمن ک گشت هونەرمەنەیل پشتگیری لە داوایلمان کەن.