شه‌فه‌ق نيوز/ ريكخرياگيگ كۆمه‌ڵگاى مه‌ده‌نى له قه‌زاى شه‌نه‌گاڵ، ئاشكراى ده‌سوه‌پيكردن هه‌ڵمه‌تيگ كرد ئه‌را پاككردنه‌وه‌ى ده‌ورگرد قه‌وره‌يل وه‌جه‌م ك روفات ئێزديه‌يل له‌خوه‌ى گردگه له قوربانيه‌يل ده‌س ريكخرياگ تيرۆرستى داعش له‌وه‌ختيگ ناوچه‌يل شه‌نگاڵ له 2014 داگير كرد.
له‌ى باوه‌ته‌و، فوئاد حه‌جى وه‌رپرس ريكخرياگ سه‌نابول ئه‌لموسته‌قبل ئه‌را ئاژانس شه‌فه‌ق نيوز وت: 10 كه‌س خوه‌يبه‌خش ده‌سكردنه‌سه هه‌ڵمه‌تيگ ئه‌را پاككردنه‌وه‌ى ده‌ورگرد قه‌وره‌يل وه‌جه‌م ك روفات ئێزديه‌يل له‌خوه‌ى گردگه له‌وه‌ر ئه‌وه‌گ ئى قه‌وره‌يله شايه‌ت بوون له‌بان قه‌واره‌ى ئه‌و تاوانه‌يله ك دژ ئێزيديه‌يل ئه‌نجام دريانه.
جى باسه، حه‌جى هه‌ميش وت: ئى هه‌ڵمه‌ت پاككردنه‌وه ئه‌را ماوه‌ى چوار رووژ وه‌رده‌وام ئه‌دێ و ئاوايه‌يل كۆجۆ و سۆلاغ ئه‌گرێده‌وه.