شه‌فه‌ق نيوز/ وه‌زاره‌ت ته‌ندروستى له هه‌رێم كوردستان عراق، ئاشكراى تۆماركردن يه‌كه‌م حاڵه‌ت تويشهاتن وه ڤايرۆس كۆرۆناى تازه كرد له هه‌ولێر پايته‌خت هه‌رێم، وه‌يه‌يش شماره‌ى تويشهاتگه‌يل له هه‌رێم كوردستان ره‌سيه 9 كه‌س.
وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت: وشكانن ته‌ندروستى ئه‌را 27 كه‌س له‌وانه‌گ له ئيران گله‌وخوادرنه ئه‌نجام درياگه‌و ده‌ركه‌فتگه ژنيگ له ته‌مه‌ن 33 ساڵان و نيشته‌جێ هه‌ولێر تويش ئه‌و ڤايرۆسه هاتگه، باس له‌وه‌يش كرد حاڵه‌ته‌گه‌ێ ئيسه جيگيره.
وه‌زاره‌ته‌گه يه‌يش ده‌رخست ك نزيكه‌ى 2804 كه‌س تر له‌وانه‌گ له 30 شوون جياجيا گله‌و خواردنه له‌وه‌ختيگه‌و ڤايرۆسه‌گه ده‌ركه‌فتگه خريانه‌سه كه‌ره‌نتينه‌و وشكانن ته‌ندروستى ئه‌رايان ئه‌كريه‌ێد.