له‌ی باوه‌ته‌و، مسته‌فا بێگی فه‌يلی چالاكوان ئه‌را(شه‌فه‌ق نيوز)وت: فيشتر له ٤٥٠ چالاكوان و رووشنهوير كورد ئه‌را ماوه‌ی په‌نج رووژ ده‌سكردنه‌سه هه‌ڵمه‌تيگ ناڕه‌زايی له‌بان بڵاوكردنه‌وه‌ی هه‌واڵ سه‌ردانه‌گه‌ی مه‌سعود بارزانی ئه‌را توركيا له‌لايه‌ن ئاژانس ئيرنای ئيرانی ك سووكايه‌تی وه جنگ كوردی كرد.
فه‌يلی هه‌ميش وت: حاڵ حازر هه‌زاران پشتگير ئی هه‌ڵمه‌ته داوا له‌و ئاژانس ناوبرياگه ئه‌كه‌ن داوای عوزرخوازی بكاو ئويشن: ئيران له كه‌يه‌و شانازی وه جنگ بيگانه ئه‌كاو گه‌مه‌جاڕی وه فۆلكلۆر ناوچه‌يی ئه‌كا.
جی باسه، ئاماژه وه‌يه‌يش ئه‌كريه‌ێد ك ئاژانسه‌گه ناوه‌ڕووك ئه‌و هه‌واڵه ئاڵشت كردگه ك سووكايه‌تی وه‌و جنگ كورديه كردگه ك مه‌سعود بارزانی سه‌رۆك هه‌رێم كوردستان ئه‌پووشێده‌ی.