شه‌فه‌ق نيوز/ رێبه‌ر ئه‌حمه‌د وه‌زير ناوخوه‌يى له هه‌رێم كوردستان، داوا له حكومه‌ت ناوه‌ندى كرد ده‌سميه‌ت دارايى و لۆجيستى ره‌وانه‌ى هه‌رێم بكا له‌وه‌ر روێ وه‌ڕوێ بونه‌وه‌ى ڤايرۆس كۆرۆناى تازه.
ئه‌حمه‌د له كۆنگره‌يگ رووژنامه‌گه‌رى وت: داوا له برايه‌يلمان له حكومه‌ت ناوه‌ندى ئه‌كه‌يم بڕه دارايى و ده‌سميه‌ته‌يل پزيشكى ره‌وانه‌ى هه‌رێم بكه‌ن له‌وه‌ر ئه‌وه‌گ هه‌رێم كوردستان هه‌مان كيشه‌ى پاريزگايه‌يل تر عراق ديرێد له كه‌مى داهات.
جى باسه، ئه‌حمه‌د داوايش له كۆمه‌ڵگاى ناوده‌وڵه‌تى و حكومه‌ت ناوه‌ندى كرد پشتگيرى لۆجيستى و ته‌ندروستى خواست دابين بكه‌ن له‌باره‌ى توانايه‌يل ماددى ئه‌را تيمه‌يل ته‌ندروستى ك وجوود ديرن له نه‌خوه‌شخانه‌يل.