له‌ی باوه‌ته‌و، كه‌ريم زه‌نگه‌نه‌ جيگر پاريزگار دياله‌ له‌بان فراكسيۆن برايه‌تی و وه‌يه‌كه‌وژيان كوردستانی له‌ باسيگ ئه‌را(شه‌فه‌ق نيوز) ئه‌وه‌ ده‌رخست ك فراكسيۆنه‌گه‌ی ده‌سپيشخه‌رييگ كرده‌وه‌يی خسته‌سه‌ ڕوی ئه‌را نزيكه‌وكردن ديد ناونی فراكسيۆنه‌يل سياسی و عراقيه‌ی دياله‌و داوه‌تكردنی ئه‌را دانيشتن له‌بان مێز گفتگوو و دابه‌شكردن پۆسته‌يل و ئه‌ركه‌يل ته‌شريعی و ئداری دوير له‌ ديد تايفی و ره‌گه‌زی وه‌خاتر به‌رژه‌وه‌ندی پاريزگاگه‌.

زه‌نگه‌نه‌ هه‌ميش وت: ديارترين كاره‌يل ئه‌و ده‌سپيشخه‌ريه‌ ئه‌وه‌سه‌ ك كووتايی وه‌ ناكووكيه‌يل و داوڕيان ناونی فراكسيۆنه‌يل باريه‌يدو هه‌ر وه‌و خاتريشه‌ داوا له‌ عراقيه‌ی دياله‌ كرد كووتايی وه‌ داوڕيانی باريد و له‌بان مێز گفتگوو بنيشيد وه‌ل هاوپه‌يمانی نيشتمانی و هاوپه‌يمانی كوردستانی، چوينكه‌ داوڕيان و به‌شداری نه‌كردن هه‌ر لايه‌نيگ سياسی كيشه‌و گرفت ئه‌خاده‌ بوار خزمه‌تگوزاری و ئاسايشی و سياسی و دوياخريش چاره‌سه‌ری سه‌خته‌.

ج . أ