سه‌رچه‌وه‌يگ له پۆليس سلێمانى له ئاشكراكردنيگ ك(شه‌فه‌ق نيوز)ئاگادارى بوى، وت: پۆليس له رويداگيگ گيان له‌ده‌سداين له ناوچه‌ى سه‌رچنار له‌شار سلێمانى ئاگادار كرياو دوياى ره‌سين هيزه‌يل پۆليس ئه‌را شوون رويداگه‌گه ده‌ركه‌فت ك هاوڵاتييگ ئوسترالى وه‌ناو "لينكى" له‌باڵه‌خانه‌يگ چوار نهۆمى له ناوچه‌ى ناوبرياگ كه‌فته‌سه خوار و گيان له‌ده‌سداگه.
جى باسه، سه‌رچه‌وه‌گه ئاماژه وه‌يه‌يش كرد ك وه گووره‌ى زانياريه‌يل پۆليس ئه‌و هاووڵاتى ئوستراليه ماوه‌ى هه‌فته‌يگه ئه‌را چه‌ن كاريگ تايبه‌ت خوه‌ى هاته‌سه هه‌رێم كوردستان و شار سلێمانى و وه قسه‌ى ئه‌و مه‌ردميشه ك نزيك رويداگه‌گه بوينه ئه‌و كه‌سه وه ئه‌نقه‌ز خوه‌ى فڕه داگه‌سه خوار و رويداگه‌گه خوه‌يكوشى بويه، وه‌لى پۆليس ده‌سكرده‌سه په‌يجووريكرن له مه‌سه‌له‌گه.